ԵՐԵՎԱՆ, 30 հունիսի – Sputnik. Ռուսաստանի նախագահ Վլադիմիր Պուտինը «Ուղիղ կապ 2021»–ի ժամանակ հայտնել է, որ պատվաստվել է «Սպուտնիկ V»–ով։ Նա ասել է, որ իրեն խնդրել են չասել, թե որ պատվաստանյութով է պատվաստվում մրցակցությունից խուսափելու համար։ Սակայն հաշվի առնելով այդ թեմայի վերաբերյալ բազմաթիվ հարցերը` Ռուսաստանի առաջնորդը խոստովանել է, որ ընտրել է «Սպուտնիկ V»–ն`կողմնորոշվելով իր շրջապատի մարդկանցով։ Ի դեպ, Պուտինի դուստրը ևս պատվաստվել է «Սպուտնիկ V»–ով։
«Զինված ուժերը պատվաստվում են «Սպուտնիկով», իսկ չէ՞ որ ես գլխավոր գերագույն հրամանատարն եմ», – ասել է նա։
Պուտինը նաև պատմել է, թե ինչ է իր հետ կատարվել պատվաստումից հետո։ «Առաջին ժամերին ոչինչ չէի զգում, չորս ժամ անց ներարկման տեղը զգայուն դարձավ։ Երկրորդ սրսկումից հետո 37,2 ջերմություն ունեի։ Պառկեցի քնելու, արթնացա` 36,6 էր», – ասել է նա։
Քանի՞ մարդ է ՀՀ–ում պատվաստվել կորոնավիրուսի դեմ
ՌԴ նախագահը նշել է, որ կորոնավիրուսի դեմ պատվաստվելուց հետո հիվանդանում է մարդկանց 10%–ը, սակայն հիվանդության ընթացքը թեթև է լինում։
«Հայտնի մարդկանցից շատերն են կորոնավիրուսով հիվանդացել պատվաստվելուց հետո, իմ մերձավորները ևս հիվանդացել են, բայց թեթև», – ասել է նա։
Հնարավոր է՝ անգամ պատվաստված զբոսաշրջիկները Վրաստանում ՊՇՌ թեստ հանձնեն
Հարցին, թե ինչու պատվաստման տեսանյութը չկա, ՌԴ նախագահը պատասխանել է. «Չեմ կարծում, որ դա կարևոր է։ Իսկ եթե ոչ թե ձեռքից ներարկեին, այլ մեկ ուրիշ տեղից, էլի պիտի տեսանյութը ցուցադրվե՞ր»։
Պուտինը հորդորել է անպայման պատվաստվել և միևնույն ժամանակ հավելել է, որ որևէ մեկը մարդուն պարտադրելու իրավունք չունի, եթե կա բժշկական հակացուցում։
Մոսկվայում աշխատանքային միգրանտների պատվաստման երկու կետ է բացվել