Հակահայկական հայտարարության պատճառով թուրք գործչին Գերմանիայում մեղադրանք է առաջադրվել

«Կրոնական հարցերի թուրք-իսլամական միության» նախկին ղեկավարներից Մուստաֆա Քեսքինին ատելություն հրահրող հրապարակումներ է արել 2015 թվականի մայիսից մինչ օրս։
Sputnik

ԵՐԵՎԱՆ, 30 հունիսի – Sputnik. Գերմանիայում գործող «Կրոնական հարցերի թուրք-իսլամական միության» (DİTİB) նախկին ղեկավարներից Մուստաֆա Քեսքինին «թշնամանք և քինախնդրություն հրահրելու» մեղադրանք է առաջադրվել։ Տեղեկությունը հայտնում է Ermenihaber.am-ը։

Թուրք քաղաքական գործիչներն առաջարկում են ԱՄՆ-ին պատասխանել Ղրիմի ճանաչմամբ

Ավելի վաղ սոցցանցերում հրեաների և հայերի դեմ ուղղված վիրավորական գրառումներ կատարելու պատճառով թուրք գործչի դեմ հետաքննություն էր սկսվել։ Արդյունքում 2021 թվականի փետրվարին DİTİB–ի նախագահը հրաժարական էր տվել։

Դրանցից մեկում Քեսքինը հրապարակել էր 1981 թվականին Հռոմի Հովհաննես Պողոս երկրորդ պապի դեմ մահափորձ կատարած Մեհմեդ Ալի Աղջայի և Հռոմի Ֆրանցիսկո Պապի նկարը՝ գրելով․ «Պետք չէ զարմանալ, եթե որևէ մեկը կրակի Պապի գլխին»։ Հատկանշական է, որ այդ հրապարակումը կատարվել էր անմիջապես այն բանից հետո, երբ Ֆրանցիսկո Պապը Հայոց ցեղասպանությունն անվանել էր 20-րդ դարի առաջին ցեղասպանություն։

Ստամբուլում հայամետ թուրք գործիչ Օսման Քավալան կալանքից ազատ է արձակվել

Գյոթինգենի գլխավոր դատախազությունը հայտնել է, որ դատարանը հինգ տարբեր հրապարակումների առթիվ Քեսքինի վերաբերյալ մեղադրական եզրակացություն է կազմել։ Նա ատելությամբ լեցուն հրապարակումներ է արել 2015 թվականի մայիսից մինչ օրս՝ Facebook-ում և WhatsApp-ում։

Հայերին Թուրքիայից վտարելու կոչ արած թուրք գործիչը կարող է պատասխանատվության ենթարկվել