ԵՐԵՎԱՆ, 26 հունիսի – Sputnik. Խոշոր ավտովթար է տեղի ունեցել Կոտայքի մարզում, կա 2 վիրավոր։ Տեղեկությունը հայտնում են ՀՀ ԱԻՆ մամուլի ծառայությունից։
Նշվում է, որ Մ-4 միջպետական ավտոճանապարհի Երևան-Սևան հատվածի 31-րդ կմ-ին «Mercedes C230» մակնիշի ավտոմեքենան (վարորդ՝ Ս․ Գ․, ծնված 1976 թ.) դուրս է եկել ճանապարհի երթևեկելի հատվածից և բախվել բաժանարար արգելապատնեշին:
Դեպքի վերաբերյալ մանրամասներ է հայտնում shamshyan.com–ը։ Նշվում է, որ վթարի հետևանքով վարորդ Ս. Գալստյանն ու նրա ուղևոր՝ ՌԴ քաղաքացի, 32-ամյա Նաստյա Չեխովսկայան մարմնական վնասվածքներով տեղափոխվել են Չարենցավանի հիվանդանոց, որտեղ առաջին բուժօգնությունը ստանալուց հետո տեղափոխվել են թիվ 1 համալսարանական հիվանդանոց։
Փրկարարները սահմանազատել են տարածքը, հոսանքազրկել ավտոմեքենան, ավտոմեքենայից դուրս բերել վարորդին և մոտեցրել շտապօգնության ավտոմեքենային։ Նա ևս հոսպիտալացվել է «Հերացի» թիվ 1 հիվանդանոցային համալիր:
Բժիշկները վարորդի առողջական վիճակը գնահատել են ծայրահեղ ծանր։
Վթար Արմավիրի մարզում. 16–ամյա վարորդը և նրա անչափահաս ուղևորները տեղափոխվել են հիվանդանոց