Սուրեն Սարգսյանի խոսքով` Ադրբեջանում այս պահին ընթանում է քաղաքական դիսկուրս, ըստ որի` Բաքուն և Երևանը պետք է գնան հարաբերությունների կարգավորման, պետք է կնքվի հաշտեցման համաձայնագիր և հաստատվեն դիվանագիտական հարաբերություններ։ Ըստ նրա` քաղաքական քննարկման թիկունքում կան որոշ արտաքին ուժեր, որոնք կարծում են, որ կարգավորումն ընդհանուր առմամբ տարածաշրջանում խաղաղության ու կայունության միակ երաշխիքն է։
«Նման քննարկումներ ծավալվում են նաև Թուրքիայում։ Այնտեղ նույնպես կա կարծիք, որ հայ-թուրքական հարաբերությունները պետք է կարգավորվեն, ինչը պետք է տեղի ունենա հաշտեցման միջոցով։ Եթե հաշվի առնենք արտաքին աշխարհի շահագրգռվածության գործոնը, ապա դա նշանակում է, որ Հայաստանին ինչ-որ պահի կարող են ստիպել, որպեսզի գնա նախանշված ճանապարհով։ Որպես նախապայման` մեր առջև դնելու են Ադրբեջանի տարածքային ամբողջականության ճանաչման, հստակ սահմանազատման պահանջ»,– նշեց Սարգսյանը։
Նրա կարծիքով` սահմանների հստակեցումը, ցավոք սրտի, տեղի է ունենալու բացառապես մեր հաշվին, ինչն արդեն իսկ կա վերջին ամիսներին մեր կողմի զիջումներով։
Ըստ նրա` Հայաստանի իշխանությունն իր հերթին գնում է ամեն ինչ տալու, ամեն ինչ հանձնելու նախանշված ճանապարհով և դրա դիմաց ստանալու է անհասկանալի, անհեթեթ խաղաղություն, որովհետև թուրք–ադրբեջանական տանդեմի քաղաքականությունը չի բավարարվելու նրանով, ինչ ստանում է և փորձելու է ստանալ ինչ-որ հատված Սյունիքից` ցամաքային կապ հաստատելով Նախիջևանի հետ։ Սարգսյանի պնդմամբ` տվյալ վտանգավոր սցենարի առաջադրման հնարավորությունը բավականին մեծ է։
«Գլոբալ խաղացողներից մի քանիսն ունեն իրենց հետաքրքրասիրությունը, բայց դա չի կարող բխել օրինակ Իրանի շահերից կամ էլ եթե բխի ՌԴ–ի շահերից, ապա որոշակի վերապահումներով։ Այստեղ գլոբալ պայքար է ընթանում նաև Ռուասատանին տարածաշրջանից դուրս մղելու համար, հետևաբար վերոհիշյալ սցենարի կիրառումը միտված է նաև այդ ծրագրի իրականացմանը»,– նշեց Ամերիկյան հետազոտությունների հայկական կենտրոնի տնօրենը։
Ավինյանն ասաց՝ որ դեպքում ռուս սահմանապահները կտեղակայվեն Գեղարքունիքում
Սուրենյանի դիտարկմամբ` այս պահին կա լուրջ դիվանագիտական աշխատանք ծավալելու անհրաժեշտություն, բայց մենք ցավոք սրտի ո՛չ նախարար ունենք, ո՛չ տեղակալներ։ Ըստ նրա` Հայաստանն ունի թուրք–ադրբեջանական սցենարից խուսափելու հնարավորություն, եթե մենք կարողանանք ադեկվատ արտաքին քաղաքականություն վարել, ինչը սակայն այս պահին չի հաջողվում անել։
Ադրբեջանը մինչև վերջ կճնշի. փորձագետը՝ սահմանային ճգնաժամի ու Հայաստանի քայլերի մասին