ԵՐԵՎԱՆ, 23 հունիսի - Sputnik. ՇՄՆ Հիդրոօդերևութաբանության և մոնիթորինգի կենտրոնի տնօրենի տեղակալ Գագիկ Սուրենյանը խորհուրդ է տալիս այսօր ժամը 11:00-ից 17:00-ն ընկած ժամանակահատվածում խուսափել արևի ուղիղ ճառագայթներից:
«Բաց մաշկ ունեցողներին խորհուրդ է տրվում արևի տակ մնալ 18-22 րոպե, իսկ թուխ մաշկ ունեցողներին՝ 35-39 րոպե, ավելին մնալու դեպքում հնարավոր են մաշկի նկատելի կարմրություն՝ էրիթեմա»,– զգուշացրել է Սուրենյանը:
Նա հայտնել է, որ ուլտրամանուշակագույն ճառագայթման ինտենսիվությունը նորմայից բարձր է։
Այսօր և վաղը ՀՀ ամբողջ տարածքում ուլտրամանուշակագույն ճառագայթման ինդեքսը դիտվել և դիտվելու է 6-7-ի (բարձր) սահմաններում, ինչը վտանգավոր է մաշկի համար։
«Մեր ծովի տեղն ո՞վ գիտի». Սուրենյանի հայտնած լուրը կրկին հումորների տեղիք է տվել