ՀՀ վարչապետի պաշտոնակատար Նիկոլ Փաշինյանի կողմնակիցների երեկվա երթի ժամանակ «Բարգավաճ Հայաստան» կուսակցության շտաբի պատշգամբից տհաճ արտահայտություններ են հնչել:
24news-ի փոխանցմամբ՝ բախումն առաջացել է այն բանից հետո, երբ երթի մասնակիցների հասցեին գոռացել են․ «Թուրքեր։ Առանց թուրքի Հայաստան»։ Ի պատասխան Փաշինյանի կողմնակիցներից մի քանիսը բարձրացել են Գագիկ Ծառուկյանի կուսակցության գրասենյակ՝ հարաբերություններ պարզելու։
Լեզվակռիվը վերածվել է ծեծկռտուքի։ Միջամտել են ոստիկանության աշխատակիցները։
Արթիկում ՔՊ–ի համակիրների և «Հայոց Հայրենիք» կուսակցության անդամների միջև կռիվ է եղել
Sputnik Արմենիային ՀՀ ոստիկանությունից հայտնեցին, որ հրապարակված տեսանյութերի հիման վրա նյութեր են նախապատրաստվում։