Ռուս հայտնի դերասանուհի ու երգչուհի Օլգա Բուզովային Match-TV- ի եթերում հիստերիկայի է հասցրել հաղորդավարի հարցը։ Ռուսաստանի Ֆուտբոլի հավաքականին նվիրված հաղորդման ժամանակ մարզական մեկնաբան Դմիտրի Գուբեռնևը հավաքականի մասին հարցեր է ուղղել երգչուհուն, որոնց նա չի կարողացել պատասխանել։
Այդ ժամանակ Գուբեռնևը կես լուրջ–կես կատակ հարցրել է. «Դուք դադարե՞լ եք առավոտյան կոնյակ խմել»:
Այս հարցը հունից հանել է Բուզովային, երգչուհին հուզվել ու լաց է եղել` արդարանալով, որ ընդհանրապես չի խմում, քանի որ բուժում է ստանում ծանր վիրահատությունից հետո։
«Ես եկել եմ այստեղ ֆուտբոլի ու մեր հավաքականի մասին խոսելու, իսկ դուք ինձ վիրավորում եք։ Դուք 5 տարի շարունակ ինձ վիրավորում եք ձեր մեկնաբանություններում, դուք տղամարդ չեք»,– ասել է Բուզովան։
Դմիտրի Գուբեռնևը բացատրել է, որ ինքն ընդամենը մեջբերում է արել Աստրիդ Լինդգրենի «Մանչուկն ու Կառլսոնը» գրքից։
«Բուզովայի կարծիքը հետաքրքիր չէ»․ Դավան՝ «Դոմ 2» շոուն վարելու հնարավորության մասին