ԵՐԵՎԱՆ, 4 հունիսի - Sputnik. Հայաստանի ֆուտբոլի հավաքականն առաջին մարզումն է անցկացրել Շվեդիայի մայրաքաղաք Ստոկհոլմի «Օլիմպիական» մարզադաշտում՝ հունիսի 5-ին «Տրե Կրունուրի» հետ հանդիպումից առաջ։ Տեղեկությունը հայտնում է Հայաստանի ֆուտբոլի ֆեդերացիան։
Կետրոնական պաշտպան Վարազդատ Հարոյանը մարզվել է անհատական ծրագրով։
«Ամենայն հավանականությամբ Հարոյանը չի մասնակցի նաև շվեդական թիմի հետ հանդիպմանը»,-նշված է ՀՖՖ հաղորդագրության մեջ։
Հիշեցնենք, որ հունիսի 1-ին Խոակին Կապառոսի սաները ոչ-ոքի՝ 1:1 հաշվով ավարտեցին հանդիպումը աշխարհի փոխչեմպիոն Խորվաթիայի հավաքականի հետ։ Դա Հայաստանի ընտրանու 9-րդ հանդիպումն էր առանց պարտության։