Ուժային եռամարտի Եվրոպայի կրկնակի չեմպիոն Յուրի Սաքունցը ռեկորդ է սահմանել՝ ճկույթով քաշելով 12 տոննա քաշով ավտոբուսը։ Գործողությունը տեղի է ունեցել այսօր` մայիսի 29–ին, Երևանի Շահումյանի անվան հրապարակում։
Մինչ Գինեսի ռեկորդի գրքի ներկայացուցիչները կգնահատեն` արդյո՞ք Սաքունցն արժանի է ռեկորդակրի կոչմանը, նա հենց տեղում պատվոգիր ու գավաթ ստացավ «Հզոր հայեր» միավորման կողմից։
«Սա աննախադեպ երևույթ է, և ես ուզում եմ, որ պատմության մեջ գրվի հայի անունը»,- նշեց Սաքունցը` խոսելով իր ռեկորդի մասին։
Նախորդ տարվա օգոստոսին չարենցավանցի մարզիկը երեք ռեկորդ էր սահմանել։
Նա նշեց, որ այսքանով նույնպես կանգ չի առնելու։ Ապագայում ճկույթով քաշել մետրոյի մի քանի վագոն։
Ծանրորդ Ռաֆիկ Հարությունյանը Եվրոպայի երիտասարդների ռեկորդ է սահմանել