ԵՐԵՎԱՆ, 24 մայիսի – Sputnik. Այսօր` մայիսի 24-ին, արտակարգ դեպք է տեղի ունեցել Շիրակի մարզում։ Shamshyan.com-ը հայտնում է, որ ժամը 07։20-ի սահմանում DAF մակնիշի ավտոմեքենան Գյումրի-Արմավիր ավտոճանապարհի 14 կմ-ին վրաերթի է ենթարկել ոչխարների ու գառների հոտին։
Ըստ կայքի` 28 ոչխար տեղում սատկել են, մի քանիսն էլ վնասվածքներ են ստացել։
Օպերատիվորեն դեպքի վայր են ժամանել ճանապարհային ոստիկանության 2-րդ սպայական գումարտակի 2-րդ վաշտի 3-րդ դասակի ծառայողները։
Խոշոր ավտովթար Արմավիրում. Դալարիկի քահանան տեղափոխվել է հիվանդանոց
Տեղում են նաև նույն վաշտի ավագ հետաքննիչները։
Փաստի առթիվ նյութեր են նախապատրաստվում։
Ոստիկանությունը պարզում է վարորդի և տուժած քաղաքացու ինքնությունը։
Քամու վնասները քիչ էին՝ հիմա էլ անձրևը. ԱԻՆ-ը ներկայացնում է իրավիճակը Երևանում