ԵՐԵՎԱՆ, 20 մայիսի – Sputnik. ՀՀ գործարարները մինչև 2018թ–ը վճարած իրենց հարկային գերավճարները կստանան պարզեցված կարգով։ Կառավարության որոշման նախագիծն այսօր գործադիրի նիստում ներկայացրեց ՀՀ ՊԵԿ նախագահ Էդվարդ Հովհաննիսյանը։
Որոշման արդյունքում 35 935 հարկատուներ հետ կստանան իրենց ավել վճարած 4 մլրդ 549 մլն դրամի հարկերը։
Ընդ որում, նրանց շուրջ 89%-ին կամ 32 000–ին պետությունը մինչև 100 000 դրամ է պարտք, իսկ 35 հարկ վճարողների պարտքերը գերազանցում են 10 մլն դրամը։
«Այս որոշման արդյունքում հարկ վճարողները կորոշեն` այդ գումարով ցանկանում են մարե՞լ իրենց հարկային պարտավորությունները, թե՞ հետ ստանալ առձեռն գումարի տեսքով»,– նախագծի քննարկման ժամանակ ասաց ՀՀ վարչապետի պաշտոնակատար Նիկոլ Փաշինյանը։
Հայաստանի բանկերը պետք է հավելյալ հարկ վճարեն հակաճգնաժամային վարկերի համար. տնտեսագետ
Նշենք, որ գերավճարների վերադարձման քաղաքականությունը ՀՀ կառավարությունը սկսել է իրականացնել դեռ 2019թ–ից` 2 տարում մարելով մինչև 2018թ–ը` նախորդ կառավարության կուտակած 274 մլրդ դրամի պարտքը։
Բայց վերահաշվարկի արդյունքում պարզվել է, որ դեռևս 4 մլրդ 549 մլն դրամի պարտք մնացել է չմարված։
Ընդունված որոշումն ուղղված է հենց այդ պարտավորության կատարմանը։
Էսօր չեք տեսնի մի բիզնեսմեն, որն ասի` հարկայինն իրենց «քերում է». Փաշինյան