ԵՐԵՎԱՆ, 17 մայիսի -Sputnik. Արարատի մարզի Սայաթ-Նովա գյուղում բակի ջրով լի լողավազանում 3 տարեկան երեխա է խեղդամահ եղել։
Տեղեկությունը Sputnik Արմենիայի հետ զրույցում ասացին ոստիկանության լրատվության բաժնից։
Տեղեկացրին, որ հիվանդանոցից ոստիկանության Մասիսի բաժին ահազանգը ստացվել է մայիսի 15-ին ժամը 12.05-ին։ Հայտնել են, որ մահացած վիճակում Սայաթ-Նովա գյուղից հիվանդանոց է տեղափոխվել 2019 թ.ծնված տղա երեխա։
Դեպքի վայր մեկնած օպերատիվ-քննչական խումբը պարզել է, որ նույն օրը ժամը 11.50-ի սահմաններում, երեխայի մայրն իրենց տան դիմացի ծաղկանոցում գտնվող ջրով լի լողավազանի մեջ հայտնաբերել է որդու խեղդամահ եղած դին և տեղափոխել հիվանդանոց։