ԵՐԵՎԱՆ, 4 մայիսի – Sputnik. Պայթյունավտանգ իրերի որոնման ուղղությամբ ռուս զինծառայողները ներկայումս ակտիվ աշխատանքներ են իրականացնում Մարտակերտ քաղաքի արվարձանում: Տեղեկությունը հայտնում է ՌԴ ՊՆ մամուլի ծառայությունը։
Նշվում է, որ այդ տեղանքում մարտական գործողությունների ժամանակ հրետանային դիրքեր են եղել։ Տեղի բնակիչները վախենում են աշխատանքներ սկսել մոտակա գյուղատնտեսական տարածքներում, քանի դեռ տեղանքի ամբողջական մաքրում չի իրականացվել:
Ապրիլին և մայիսի սկզբին Մարտակերտի շրջանի տարածքում ռուս սակրավորները հայտնաբերել և վնասազերծել են ավելի քան 200 հրետանային արկ և պայթուցիկ նյութեր:
Ընդհանուր առմամբ, 2020թ. նոյեմբերի 23-ից Լեռնային Ղարաբաղում ռուսական խաղաղապահ զորախմբի մարդասիրական ականազերծման ստորաբաժանման զինծառայողների կողմից չպայթած զինամթերքից մաքրվել է 2064 հեկտար տարածք, 632 կմ ճանապարհ, ստուգվել է 1733 շենք, այդ թվում՝ 30 սոցիալապես կարևոր օբյեկտ, հայտնաբերվել և վնասազերծվել է 25 603 պայթուցիկ առարկա։
Արցախի ԱԺ նախագահը պատասխանել է Սահիդովի` «Ստեփանակերտն անցնելու է Ադրբեջանին» գրառմանը