ԵՐԵՎԱՆ, 4 մայիսի- Sputnik. Այսօր դժբախտ դեպք է տեղի ունեցել Արմավիրի մարզում` 58–ամյա տղամարդը մեքենան վարելիս հանկարծամահ է եղել. գրում է Shamshyan.com-ը։
«Ժամը 20:40-ի սահմաններում Արմավիրի մարզի Ջրաշեն գյուղի բնակիչ, 58-ամյա Հովհաննես Յարաղյանը իր վարած Nissan X-Trail մակնիշի ավտոմեքենայով Բամբակաշատ գյուղի կենտրոնական փողոցում դուրս է եկել հանդիպակաց երթևեկելի գոտի և բախվել ընկուզենուն: Վարորդն ավտոմեքենայի մեջ հայտնաբերվել է մահացած, իսկ ուղևորը մարմնական վնասվածքներով տեղափոխվել է «Արմավիր» ԲԿ»,–գրում է կայքը:
Դեպքի վայրում հավաքվածները պատմել են` վիրավորը վարորդի կինն է, ում առաջինը օգնության են հասել գյուղացիները։
Հիվանդանոց տեղափոխվելիս կինն ասել է, որ ամուսինս մեքենան վարելիս մի քանի անգամ կրկնել է «վախ սիրտս, վախ սիրտս», որից հետո էլ վթարն է տեղի ունեցել։
Ստավրոպոլի մոտ վթարի է ենթարկվել բասկետբոլի պատանեկան թիմի ավտոբուսը. 5 աղջիկ զոհվել է
Փաստի առթիվ քննիչ նյութեր են նախապատրաստվում: Նշանակվել են մի շարք փորձաքննություններ։