ԵՐԵՎԱՆ, 30 ապրիլի – Sputnik. ՀՀ երրորդ նախագահ Սերժ Սարգսյանը կինոռեժիսոր Մհեր Մկրտչյանի հետ զրույցում անդրադարձել է 2018թ. ապրիլյան իրադարձություններին և բացատրել` ինչ է ինքն ուզել ասել «Նիկոլը ճիշտ էր, ես սխալվեցի» հայտնի արտահայտությամբ:
«Ես կարող եմ բառացի մեջբերել` ինչ-որ ասել եմ հարցազրույցում, թե դա ինչպես պետք է հնչեր իմ նախավերջին խմբագրումից հետո՝ շատ պարզ: Տեքստը հասկանալի է, ես ընթերցում եմ այդ հատվածը. «Նիկոլ Փաշինյանը ճիշտ էր, երբ ասում էր, որ ամեն գնով, կրկնում եմ, ամեն գնով պետք է հասնի իշխանության: Ես սխալվեցի` կարծելով, որ նրա համար թանկ է Հայաստանի Հանրապետության յուրաքանչյուր քաղաքացու կյանք»: Այս բարդ նախադասությունները ես պարզեցրել եմ՝ նկատի ունենալով հետևյալ հանգամանքը, որ թեև շատ պարզ չէր ասված, բայց կարող էր սա ավելորդ լարվածություն առաջացնել»,–ասել է Սերժ Սարգսյանը:
Նշենք, որ այս արտահայտությունը երեք տարվա ընթացքում թևավոր է դարձել: Գրեթե բոլորն օգտագործում են այդ արտահայտությունը` թերևս առանց հասկանալու այդ բառերի իմաստը:
Քոչարյանը չէ. Սերժ Սարգսյանն ասել է` ում է աջակցելու առաջիկա ընտրություններում
Հիշեցնենք` 2018թ–ի ապրիլի 22–ին Երևանի «Մարիոթ Արմենիա» հյուրանոցում կայացավ Սերժ Սարգսյանի ու Նիկոլ Փաշինյանի հանդիպումը։
Այդ հանդիպումից հետո «թավշյա հեղափոխության» առաջնորդը ձերբակալվեց, ապա ժողովրդական ալիքի ճնշման տակ ազատ արձակվեց։
Ապրիլի 23–ին ՀՀ երրորդ նախագահ, նորընտիր վարչապետ Սերժ Սարգսյանը հրաժարական տվեց։
Սերժ Սարգսյանը գիտեր` որտեղ է բերել-հասցրել Ղարաբաղի բանակցային գործընթացը. Նիկոլ Փաշինյան