ԵՐԵՎԱՆ, 26 ապրիլի - Sputnik. Արևմուտքը, սովորության համաձայն, ներխուժում է այլ պետությունների հասարակական գործընթացների մեջ՝ սերմանելով այնտեղ մտավոր և բարոյական օտար հիմքեր և դրանով իսկ նպաստելով ազգային ինքնության և ավանդական արժեքների ոչնչացմանը։ Ռուս-հայկական համալսարանում տեղի ունեցած «Անկախություն և ինքնիշխանություն. սպառնալիքներ և մարտահրավերներ ժամանակակից Հայաստանի համար» կոնֆերանսի ժամանակ նման կարծիք հայտնեց Հայաստանում Ռուսաստանի դեսպանության ժամանակավոր հավատարմատար Ալեքսեյ Սինեգուբովը։
«Մեր արևմտյան գործընկերները, սովորության համաձայն, հռչակելով իրենց բարոյական առաջատարությունը և մի կողմ դնելով քաղաքավարության տարրական կանոնները, փորձում են աշխարհն իրենց ենթարկել՝ միջազգային իրավունքը փոխարինելով իրենց հորինած աշխարհակարգով, որը հիմնված է որոշակի կանոնների վրա։ Նրանք ներխուժում են այլ պետությունների հասարակական գործընթացների մեջ, սերմանելով այնտեղ օտար մտավոր և բարոյական հիմքեր՝ դրանով իսկ նպաստելով ազգային ինքնության և ավանդական արժեքների ոչնչացմանը։ Ինքնիշխանության խնդիրը պետք է դիտարկվի այդ համատեքստում», - ընդգծեց Սինեգուբովը։
Նրա խոսքով՝ այստեղ Ռուսաստանի եւ Հայաստանի համագործակցության համար լայն դաշտ կա։
«Հաշվի առնելով, որ արժեքային հարցերն այն շերտն են, որը շատ ամուր կապում են մեր ժողովուրդներին՝ հաստատելով նրանց հոգևոր ու քաղաքակրթական մտերմությունը, մեր պետությունները ոչ միայն կարող են, այլ պարզապես պարտավոր են սերտորեն համագործակցել նշված թեմաների շուրջ»,- ասաց Սինեգուբովը:
Տողանյանը խոսել է Արևմուտքի անտարբերության, արցախյան պատերազմի ու Նավալնու գործի մասին
Նա նշեց, որ կիբեռտարածքը նոր ռիսկեր է ստեղծում պետությունների ինքնիշխանության համար։
Համաժողովին ելույթ ունեցավ նաև Հայաստանում Ղազախստանի դեսպան Բոլատ Իմանբաևը: