Ապրիլի 2–ի Երևանի Կարեն Դեմիրճյանի անվան մարզահամերգային համալիրում տեղի ունեցավ Արցախի հերոս, գեներալ–մայոր Արկադի Տեր–Թադևոսյանի հոգեհանգստի արարողությունը։
Լեգենդար հրամանատարին, Արցախի հերոսին հրաժեշտ տալու էին եկել ՀՀ նախագահ Արմեն Սարգսյանը, ՀՀ ՊՆ Վաղարշակ Հարությունյանը, ԳՇ պետ Արտակ Դավթյանը, վարչապետի աշխատակազմի ղեկավար Արսեն Թորոսյանը, փոխվարչապետ Տիգրան Ավինյանը և այլ բարձրաստիճան հյուրեր։
Հերոսի հանդեպ համազգային սերը ժոսղովուրդն արտահայտեց նաև նրա մահից հետո։ Բազմաթիվ մարդիկ` ծանոթ և անծանոթ եկել էին նրան հրաժեշտ տալու։ Մարզահամերգային համալիրի մոտ նրանք ժամերով հերթ էին կանգում մի վերջին անգամ բերդաքաղաք Շուշին ազատագրած հրամանատարին տեսնելու համար։
Այսօր` ապրիլի 3–ին, հարազատները, զինակից ընկերներն ու պարզապես Կոմանդոսին շատ սիրող մարդիկ նրան վերջին հրաժեշտը տվեցի Կոնդի սուրբ Հովհաննես եկեղեցում։
Նշենք, որ Կոմանդոսը մահացել էր մարտի 31–ին, կյանքի 82–րդ տարում։