ԵՐԵՎԱՆ, 25 մարտի - Sputnik. Ազգային ժողովն այսօր ընդունեց ԲՀԿ պատգամավորներ Նաիրա Զոհրաբյանի, Վահե Էնֆիաջյանի և Իվետա Տոնոյանի` Քրեական օրենսգրքում փոփոխություններ կատարելու նախագիծը։ Այսուհետ դավաճանության և լրտեսության համար նախատեսված պատիժն ավելի խիստ կլինի։
112 կողմ պատգամավոր կողմ քվեարկեց նախագծին։
Ընդունված փոփոխությունների համաձայն` պետական դավաճանության համար սահմանվում է 20 տարի ժամկետով կամ ցմահ ազատազրկում՝ գույքի բռնագրավմամբ կամ առանց դրա: Լրտեսության համար նախատեսվում է 12-ից 20 տարի ժամկետով կամ ցմահ ազատազրկում:
Հիշեցնենք, որ մինչ այդ դավաճանությունը պատժվում էր ազատազրկմամբ՝ 10-ից 15 տարի ժամկետով՝ գույքի բռնագրավմամբ կամ առանց դրա, իսկ լրտեսությունը պատժվում էր ազատազրկմամբ՝ 8-ից 15 տարի ժամկետով:
ՀՀ–ում պետական դավաճանության և լրտեսության համար ամենախիստ պատիժը կկիրառվի. Էնֆիաջյան