ԵՐԵՎԱՆ, 22 մարտի – Sputnik. Արմավիր քաղաքի Երևանյան և Մաշտոց փողոցների խաչմերուկում ավտոմեքենան բախվել է գովազդային վահանակի սյանը, ինչի հետևանքով 2 մարդ է մահացել։ Տեղեկությունը հայտնում է ՀՀ արտակարգ իրավիճակների նախարարությունը։
Արմավիրի մարզային ճգնաժամային կառավարման կենտրոնը ՃՏՊ–ի վերաբերյալ ահազանգը ստացել է մարտի 21-ին` ժամը 23:54-ին։
Դեպքի վայր է մեկնել ԱԻՆ փրկարար ծառայության մարզային փրկարարական վարչության հրշեջ-փրկարարական ջոկատից երկու մարտական հաշվարկ։
Պարզվել է, որ «Mercedes-Benz» մակնիշի ավտոմեքենան (վարորդ՝ Հ․ Հ․) դուրս է եկել ճանապարհի երթևեկելի հատվածից և բախվել սյանը։
Բախվել են մոտոցիկլետն ու Opel-ը. մոտոցիկլավարը տեղում մահացել է
Մինչ փրկարարների՝ կանչի վայր հասնելը ուղևորները (Մ․ Բ․, ծնված 1986 թ., Ե․ Տ․, ծնված 1987 թ. և մեկ անձը չպարզված ուղևոր) տեղափոխվել են Արմավիրի ԲԿ, որտեղ բժիշկները Մ․ Բ․-ի առողջական վիճակը գնահատել են բավարար, Ե․ Տ․-ն տեղափոխվել է «Էրեբունի» ԲԿ, որտեղ բժիշկները վերջինիս առողջական վիճակը գնահատել են ծանր, իսկ անձը չպարզված ուղևորը հոսպիտալացման ճանապարհին մահացել է։
Փրկարարներն ավտոմեքենայից դուրս են բերել վարորդի դին, սահմանազատել տարածքը և հոսանքազրկել ավտոմեքենան:
Վենդետա Գյումրիում. ավտովթարից մահացած քաղաքացու եղբայրը սպանել է տաքսու վարորդին