ԵՐԵՎԱՆ, 22 մարտի - Sputnik. ԱԺ պատգամավոր, «Լուսավոր Հայաստան» խմբակցության քարտուղար Գևորգ Գորգիսյանը հրավիրվել է ԱԱԾ։ Նա Facebook–ի իր էջում հրապարակել է ԱԱԾ–ից ստացած ծանուցումն ու գրառում կատարել այդ մասին։
«Վերջը ինձ էլ հերթը հասավ: Հրավիրել են զրուցելու նոյեմբերի 10-ին ԱԺ գրավման մասին»,–գրել է պատգամավորը:
Հիշեցնենք, որ նոյեմբերի 9-ի եռակողմ հայտարարության ստորագրումից հետո ՀՀ վարչապետի որոշումից դժգոհ մի խումբ մարդիկ մուտք էին գործել կառավարություն, այնուհետև ԱԺ։ Գորգիսյանը նույնպես այնտեղ էր և փորձում էր մարդկանց հանդարտեցնել։
Զանգվածային անկարգությունների դեպքով քրեական գործ էր հարուցվել։ Կան կալանավորվածներ։
«Չեմ կարծում, որ մենք սխալ ուղու վրա ենք». ԱԱԾ փոխտնօրենը` «ֆեյքի գործի» մասին