Արմեն Բադալյանի կարծիքով` նախընտրական քարոզարշավը սովորաբար իրականացվում է տարբեր ձևաչափերով, սակայն չափազանց կարևոր են հատկապես զանգվածային միջոցառումները, մարդկանց հետ անմիջական շփումները, առանց որոնց հնարավոր չէ իրականացնել լիարժեք քարոզարշավ։ Ըստ քաղտեխնոլոգի` Հայաստանում կարող է առաջին անգամ գրանցվել մի իրավիճակ, երբ Փաշինյանի ղեկավարած քաղաքական ուժը կարող է ստանալ որոշակի քանակությամբ ձայներ, եթե նույնիսկ չանցկացնի քարոզարշավ։
«Այդուհանդերձ կլինեն այնպիսի ընտրություններ, որի արդյունքում քաղաքական ուժերն Ազգային ժողովում կլինեն այն հարաբերակցությամբ, որ նրանցից ոչ մեկը չի ունենա 50+1 ձայն»,– նշեց քաղտեխնոլոգը։
Բադալյանի համոզմամբ` Նիկոլ Փաշինյանը ստիպված է գնում արտահերթ ընտրությունների, որովհետև երկրում կյանքը կանգնել է, ոչ ոք ոչինչ չի անում։ Բացի այդ, դրսից, ըստ քաղտեխնոլոգի, նույնպես կան խնդիրներ և Արևմուտքն ու Ռուսաստանը պահանջում են արտահերթ ընտրություններ։ Բադալյանի խոսքով` շատ կարևոր է իմանալ, թե իսկապես քանի տոկոսն է աջակցում Փաշինյանին հրադադարի հայտարարության կետերի հետագա կատարման հարցում և շատ կարևոր է իմանալ, թե քանի տոկոսն է աջակցում Բաղրամյան պողոտայում հանգրվանած ընդդիմությանը։
Հիշեցնենք` 2020-ի մարտի 18–ին ՀՀ վարչապետ Նիկոլ Փաշինյանը հայտարարեց, որ հունիսի 20-ին Հայաստանում ԱԺ արտահերթ ընտրություններ կանցկացվեն։
Գալիք ընտրությունները չեն կարող անցնել առանց ատելության մթնոլորտի. Դանիելյան
Ներքաղաքական իրավիճակը Հայաստանում սրվեց 2020–ի նոյեմբերի 9–ին եռակողմ հայտարարությունից հետո, երբ 44–օրյա պատերազմի արդյունքում Հայաստանը կորցրեց Արցախի 70 %–ից ավելին, մնացած մասում տեղակայվեցին ռուս խաղաղապահներ, սահամնների ճշգրտում սկսվեց նաև Հայաստանի սուվերեն տարածքում։
Ընդդիմադիր 17 կուսակցություններ, միավորվելով «Հայրենիքի փրկության շարժման» անվան տակ և Վազգեն Մանուկյանին առաջադրելով որպես ժամանակավոր կառավարության` վարչապետի միասնական թեկնածու, սկսեցին բողոքի ակցիաններով պայքարել վարչապետի հրաժարականին հասնելու համար։