ԵՐԵՎԱՆ, 19 մարտի - Sputnik. Առևտրային կենտրոններում և երթուղայիններում վերջին երկու շաբաթներին համավարակով պայմանավորված սահմանափակումների վերահսկողությունն ուժեղացվել է, քանի որ կորոնավիրուսի թվերը մեր երկրում նորից սկսել են աճել։ Sputnik Արմենիայի հետ զրույցում ասաց առողջապահության նախարար Անահիտ Ավանեսյանը։
«Տրանսպորտում և առևտրային կենտրոններում մարդկանց մեծ կուտակումներ կան, ինչը վարակի փոխանցման կտրուկ աճ է ապահովում»,- նշեց նա։
Ավանեսյանի խոսքով` այս փուլում կփորձեն մարդկանց բանավոր զգուշացնելով, հորդորով վերադարձնել դեռևս կորոնավիրուսի տարածման սկզբնական ռեժիմի ժամանակ սահմանված պարտադիր սահմանափակումներին, եթե չհաջողվի, ավելի կոշտ մեթոդն էլ գիտեն։
«Տուգանելու մեխանիզմները չեն կիրառվում, բայց ես վստահ եմ, որ եթե չօգնեն հորդորը, նախազգուշացումները, ապա միանշանակ պիտի տուգանվեն։ Սեփական առողջությունը չգնահատող, ուրիշներին էլ ռիսկի ենթարկող քաղաքացիները պետք է ինչ-որ ձևով պատժվեն»,- հավելեց նախարարը։
Նշենք, որ ըստ Հիվանդությունների վերահսկման և կանխարգելման ազգային կենտրոնի`երեկ` մարտի 18-ին, գրանցվել է վարակվածության այս տարվա ամենաբարձր ցուցանիշը` 1024 դեպք։ Այսօր կորոնավարակակիրների թիվն ավելացել է 891-ով և դարձել 182056։
Հայաստանում կա՞ն կորոնավիրուսի կրկնավարակի դեպքեր․ պարզաբանում է նախարարը
Գրանցվել է մահվան 3320 (+19) դեպք։