ԵՐԵՎԱՆ, 18 մարտի - Sputnik. Քիչ անց Երևանի ընդհանուր իրավասության դատարանում կմեկնարկի ՀՀ երրորդ նախագահ Սերժ Սարգսյանի դեմ հարուցված քրեական գործով հերթական դատական նիստը։
Մինչ այդ դատարանի բակում հավաքվել են Սարգսյանի աջակիցները և դատարանից արդար դատաքննություն են պահանջում։ Նրանք նաև պահանջում են վարչապետ Նիկոլ Փաշինյանի հրաժարականը։
«Անցյալ տարի այս օրերին էր, երբ մեկնարկեց այս զավեշտալի գործը։ Ինչպես այդ օրը, այնպես էլ կարծում եմ այսօր` Սերժ Սարգսյանն ուղերձ կհղի։ Այն, որ այս գործը քաղաքական է, խոսք լինել չի կարող»,–ասաց ՀՀԿ փոխնախագահ Արմեն Աշոտյանը։
Հիշեցնենք` նախորդ տարվա փետրվարի 25-ին էր տեղի ունեցել այս գործով առաջին նիստը։ Սարգսյանին մեղադրանք է առաջադրվել գյուղացիներին դիզելային վառելանյութ հատկացնելիս ֆինանսական խախտումներ իրականացնելու համար։
ՀՀ երրորդ նախագահը մեղադրվում է 2013թ.-ին «Ֆլեշ» ընկերության նկատմամբ հովանավորչություն ցուցաբերել համար։ ՍՊԸ–ն հաղթել է դիզելային վառելիք առաքելու պետական մրցույթում, թեև առավել բարձր գին է առաջարկել, քան նրա մրցակիցը (մոտավորապես մեկ միլիոն դոլար տարբերությամբ)։
Սերժ Սարգսյանը խոսել է Արոնյանի՝ ԱՄՆ տեղափոխվելու որոշման մասին
Սերժ Սարգսյանի նկատմամբ խափանման միջոց է ընտրվել երկրից չհեռանալու մասին ստորագրությունը։