ԵՐԵՎԱՆ, 11 մարտի - Sputnik. Ռուսաստանն աստիճանաբար հաղթահարում է կախվածությունը դոլարից։ ՌԻԱ Նովոստիի փոխանցմամբ` այսօր այս մասին ասել է Պետդումայի նախագահ Վյաչեսլավ Վոլոդինը։
«Օրինակ` ԵԱՏՄ շրջանակում ազգային արժույթով մեր հաշվարկներն աճել են մինչև 74%։ Պլանավորված ավելացնում ենք ազգային արժույթով առևտուրը Չինաստանի և Թուրքիայի հետ», - ասել է նա։
Ստորին պալատի խոսնակը հիշեցրել է նաև, որ փետրվարի վերջին Ռուսաստանը փոխել է Ազգային բարեկեցության հիմնադրամի արժութային կառուցվածքը՝ ներառելով ճապոնական իեն ու չինական յուան։ Ընդ որում, ԱՄՆ դոլարի և եվրոյի մասնաբաժինը նվազել է 45%-ից 35%, ֆունտ ստերլինգինը՝ մնացել 10 տոկոսի մակարդակում։
Ավելի վաղ Դաշնային խորհրդի նախագահ Վալենտինա Մատվիենկոն ՌԻԱ Նովոստիին տված հարցազրույցում հայտարարել էր, որ ամերիկյան դոլարը Ռուսաստանում մնում է շրջանառության մեջ, սակայն տնտեսության կախվածությունը դրանից պետք է նվազեցնել։
Դաշնային խորհրդի խոսնակը նաև հիշեցրել էր, որ ռուսական ոսկու և արտարժույթի պահուստներն արդեն ավելի քիչ են կախված դոլարից, սակայն կան նաև այլ զգալի փոփոխություններ․ վերջին տասը տարվա ընթացքում ԱՄՆ պետական պարտավորություններում Մոսկվայի ներդրումները կրճատվել են 30 անգամ։
ԱՄՆ-ն որոշել է անտեսանելի վրեժ լուծել Ռուսաստանից
Փոխարտգործնախարար Սերգեյ Ռյաբկովը Բլումբերգ գործակալությանը տված հարցազրույցում նշել էր, որ Ռուսաստանին անհրաժեշտ է կրճատել դոլարի դերը ցանկացած հարաբերությունում՝ վերացնելով «կախվածությունը մշտական թշնամական տրամադրված այդ թունավոր աղբյուրից»։