ԵՐԵՎԱՆ, 11 մարտի - Sputnik. «Միքայելյան» բժշկական կենտրոնի վերակենդանացման բաժանմունքում խոշոր վթարից հետո մահացել է ՀՀ ոստիկանության փոխգնդապետ, Երևանի բնակիչ, 49-ամյա Արտյոմ Մ.-ն: Տեղեկությունը հայտնում է shamshyan.com–ը։
Վերջինս հիվանդանոց էր տեղափոխվել մարտի 4-ին:
«Այդ օրը՝ ժամը 00:05-ի սահմաններում, Արտյոմ Մ.-ն իր վարած Opel մակնիշի ավտոմեքենայով բախվել էր Թբիլիսյան խճուղու թիվ 22 հասցեի դիմաց կայանված, Գորիսի բնակիչ, 47-ամյա Արկադի Ա.-ի կողմից կայանված КамАЗ մակնիշի բեռնատարին»,–նշված է հաղորդագրության մեջ:
Փաստի առթիվ այսօր հարուցվել է քրեական գործ՝ ՀՀ քրեական օրենսգրքի 242 հոդվածի 2-րդ մասի հատկանիշներով (Ճանապարհային երթևեկության և տրանսպորտային միջոցների շահագործման կանոնները խախտելը, որն անզգուշությամբ առաջացրել է մարդու մահ): Գործը փոխանցվելու է Հայաստանի քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժին: