ԵՐԵՎԱՆ, 3 մարտի - Sputnik. Տորոնտոյի դատարանը մեղավոր է ճանաչել հայազգի Ալեք Մինասյանին` դեռ 2018-ի ապրիլի 23-ին ֆուրգոնով Տորոնտոյի` մարդկանցով լեփ-լեցուն մայթ մխրճվելու դեպքով։ Տեղեկությունը հայտնում է cbc-ին։
Ալեք Մինասյանը դատարանում խոստովանել է, որ սպանել է 10 մարդու և վիրավորել ևս 16-ին։
Այժմ Մինասյանը մեղադրվում է 10 անձի սպանության և 16-ի սպանության փորձի մեջ։ Մինասյանի պաշտպանը վստահեցրել է, որ 28-ամյա իր պաշտպանյալն անմեղսունակ է, քանի որ աուտիզմի համախտանիշ ունի և դիտավորյալ չէ նման քայլի դիմել։ Մինասյանը ձերբակալված է։
Հիշեցնենք, որ 2018-ի ապրիլի 23-ին հայտնի դարձավ, որ Տորոնտո քաղաքում բեռնատար ֆուրգոնը դուրս էր եկել երթևեկելի գոտուց ու մխրճվել հետիոտների մեջ: Մեքենան պատկանել է Ռիչմոն Հիլի բնակիչ 25-ամյա Ալեք Մինասյանին: