ԵՐԵՎԱՆ, 27 փետրվարի - Sputnik. Հայաստանի արտգործնախարար Արա Այվազյանը հայտարարել է, որ չի հրաժարվում իր ադրբեջանցի գործընկերոջ հետ երկխոսությունից, բայց որոշակի պայմաններով:
«Առաջին հերթին դա համապատասխան մթնոլորտի ձևավորումն է`որոշակի օրակարգով», ՌԻԱ Նովոստիին տված հարցազրույցում ասել է ՀՀ արտգործնախարար Արա Այվազյանը:
Բացի այդ, ըստ նրա, հակառակ կողմը ևս պետք է պատրաստ լինի բանակցելու։
Հիշեցնենք` 2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։
Հայաստանն ապահովում է տրանսպորտային կապ Ադրբեջանի արևմտյան շրջանների և Նախիջևանի Ինքնավար Հանրապետության միջև։
Շփման գծի երկայնքով Լեռնային Ղարաբաղում և Լաչինի միջանցքում հաստատվում են ռուսական խաղաղապահ ուժեր, որոնք մնում են հինգ տարի ժամանակով` ավտոմատ երկարացման հնարավորությամբ, եթե հաջորդ հինգ տարվա համար կողմերը ժամկետի լրանալուց վեց ամիս առաջ չեն հայտարարում այս դրույթի կիրառությունը դադարեցնելու մասին։
Ինչ տվեց Արցախի վերաբերյալ եռակողմ հայտարարությունը․ քարտեզ
Նշվում է նաև, որ ներքին տեղահանվածները և փախստականները վերադառնում են ԼՂ և հարակից շրջաններ, իրականացվում է ռազմագերիների փոխանակություն և մյուս պահվող անձանց փոխանակություն, ապաարգելափակվում են բոլոր տնտեսական և տրանսպորտային կապերը տարածաշրջանում։