ԵՐԵՎԱՆ, 18 փետրվարի - Sputnik. Կյանքի 83-րդ տարում վախճանվել Է ռուս դերասան Անդրեյ Մյագկովը: Այս մասին հայտնել է Մոսկվայի Չեխովի անվան գեղարվեստական թատրոնի մամուլի ծառայությունը։
Դերասանը մահացել է Մոսկվայում: Նախնական տվյալներով՝ նրա մահվան պատճառը սրտի սուր անբավարարությունն է եղել։ Մյագկովին տանը մահացած է գտել կինը։
Մյագկովը հայտնի է դարձել ռեժիսոր Էլդար Ռյազանովի «Ճակատագրի հեգնանքը» և «Ծառայողական սիրավեպ» կինոնկարներում խաղացած իր դերերով:
Նրան լավ են ճանաչում նաև հայ կինոսիրողները։