ԵՐԵՎԱՆ, 17 փետրվարի - Sputnik. Երևանում այս պահին անձրև է տեղում, որն ուղեկցվում է ամպրոպով։ ՀՀ շրջակա միջավայրի նախարարության Հիդրոօդերևութաբանության և մոնիտորինգի կենտրոնի տնօրենի տեղակալ Գագիկ Սուրենյանը Facebook–ի իր էջում գրառում է կատարել` ասելով, թե փետրվարի կեսին ամպրոպ էլ տեսանք։
Գրառումը սոցցանցի օգտատերերից շատերն են մեկնաբանել` հումորով վերաբերվելով եղանակային կտրուկ փոփոխությանը։
«Մնաց ապոկալիպսիսը»,–գրել է մեկը։ Իսկ մեկ ուրիշ օգտատեր էլ մեկնաբանել է Սուրենյանի գրառումը` ասելով, որ սա Հայաստանն է, այստեղ անհնարինը դառնում է հնարավոր։
Մեկ ուրիշը հորդորել է Սուրենյանին եղանակային այս «փաթեթը» փոխել` ուրիշ փաթեթից օգտվել։ Օգտատերերից մեկն էլ սև հումոր է արել` գրելով.
«Սուրենյան ջան, էն ձեր երկրաշարժերի բաժնի աշխատողները արձակո՞ւրդ են»։
«Սուրենյան ջան, ազգի կոմունալները հասել են եսիմ ուր». Աշոցքում -35 աստիճան ցուրտ է եղել
Ֆեյսբուքյան մի օգտատեր էլ վերջնաժամկետ է ներկայացրել Սուրենյանին` ասելով, որ 3 օր ժամանակ է տալիս նրան հրաժարական տալու համար։
Հիշեցնենք, որ փետրվարի 21-ի գիշերն առանձին շրջաններում, 17-20-ը շրջանների զգալի մասում ժամանակ առ ժամանակ սպասվում են տեղումներ, 18-20-ը լեռնային և նախալեռնային գոտիներում՝ ձյան տեսքով:
«Եկել է Սուրենյանի վրեժի ժամանակը». ինչո՞ւ է Երևանում սառնամանիք