ԵՐԵՎԱՆ, 16 փետրվարի - Sputnik. Ղազախստանի մայրաքաղաք Նուր– Սուլթանում ոստիկանությունը ստուգումներ է սկսել այն բանից հետո, երբ շինարարները կովին վերամբարձ կռունկով բարձրացրել են կառուցվող բազմահարկ շենքի տանիք։ Տեղեկությունը հայտնում է Sputnik Ղազախստանը:
Մի շարք ԶԼՄ-ների հրապարակած տեսանյութում երևում է, թե ինչպես են կովի ոտքերը կապել ու բարձրացնում վերամբարձ կռունկով։ Օգտատերերից շատերը վրդովվել են կովի նկատմամբ դաժան վերաբերմունքից։
Երևանում շանը կապել են մեքենայից ու քարշ տվել փողոցով. տեսանյութ (16+)
Նուր–Սուլթանի ոստիկանության մամուլի ծառայությունից հայտնել են, որ դեպքը տեղի է ունեցել երեկ Նաժիմեդենովի փողոցում կառուցվող շենքում: Մամուլի ծառայությունը նաև տարածել է տեսագրություն, որում կառուցվող շինության տեղամասի պետ Օլժաս Եսենալինը ներողություն է խնդրում: Նա պարզաբանում է, որ կովը պետք է եղել զոհաբերության համար, և հավաստիացրել է, որ միսը կբաժանեն կարիքավորներին: Նա նաև ներողություն է խնդրել շինարարների անմարդկային գործողությունների համար։