ԵՐԵՎԱՆ, 7 փետրվարի – Sputnik. Ստեփանակերտում աշխատանքը շարունակում է քաղաքացիների ընդունելության կետը, որը «թեժ գծի» օգնությամբ հավաքագրում է պատերազմի մասնակիցների, անհետ կորածների տվյալները։ Այս ընթացքում արդեն ավելի քան 2 392 մարդ դիմել է քաղաքացիների ընդունելության կետ, նրանցից 584 -ը՝ «թեժ գծի» օգնությամբ։ Տեղեկությունը հայտնում է ՌԴ ՊՆ մամուլի ծառայությունը։
Նշվում է, որ անհետ կորածների որոնումն իրականացնում են ռուս խաղաղապահները` Կարմիր Խաչի միջազգային կոմիտեի ներկայացուցիչների, հայկական և ադրբեջանական կողմերի հետ համագործակցությամբ։
«Բոլոր դիմումներն արձանագրվում են, մուտքագրվում տվյալների բազա և փոխանցվում համատեղ որոնողական խմբերին», – ասվում է հաղորդագրության մեջ։
Արցախի վերաբերյալ եռակողմ հայտարարության ստորագրումից հետո դեռ շարունակում է չլուծված մնալ հայ գերիների և հակամարտության գոտում անհետ կորած զինծառայողների խնդիրը։ Հայաստանի իշխանությունները վստահեցնում են, որ անում են հնարավոր ամեն բան գերիների վերադարձի և անհետ կորածների մասին տեղեկություն ստանալու համար։ Բացի այդ, Արցախում շարունակվում են զոհվածների աճյունների որոնողական աշխատանքները։
Միջադեպ Կապանում. ռուս սահմանապահները БТР–ով փակել են ադրբեջանցիների ճանապարհը