ԵՐԵՎԱՆ, 5 փետրվարի – Sputnik. Ռուսական խաղաղապահ զորախմբի ռազմական բժիշկներն Արցախում իրականացնում են «Սպուտնիկ V» պատվաստանյութի երկրորդ չափաբաժնով խաղաղապահների պատվաստումը։ Տեղեկությունը հայտնում է Ռուսաստանի Դաշնության ՊՆ-ն։
«Սկզբում պատվաստվել են ռուսական խաղաղապահ զորախմբի հրամանատարության ներկայացուցիչները, ինչպես նաև Ստեփանակերտ քաղաքում տեղակայված բժշկական ստորաբաժանումների զինծառայողները: Հետո, հաստատված ժամանակացույցով, շարժական բժշկական բրիգադները կիրականացնեն 27 դիտակետերում հրադադարի ռեժիմի վերահսկողությունն իրականացնող անձնակազմի պատվաստումը»,–ասված է հաղորդագրության մեջ։
Նշվում է նաև, որ ընդհանուր առմամբ, Արցախ է հասցվել պատվաստանյութի մոտ 2 հազար չափաբաժին, ինչը բավական է բոլոր խաղաղապահներին պատվաստելու համար։
Պաշտպանական գերատեսչությունից տեղեկացնում են, որ պատվաստման ավարտից հետո բոլոր զինծառայողները ստանում են նոր կորոնավիրուսային վարակի դեմ կանխարգելիչ պատվաստումների հավաստագիր, որում նշվում են «Սպուտնիկ V» պատվաստանյութի առաջին և երկրորդ չափաբաժինների ներարկման ժամկետները։
Պատրաստ ենք նաև ռուսական պատվաստանյութ գնել. Անահիտ Ավանեսյանն ընդունել է ՌԴ դեսպանին