ԵՐԵՎԱՆ, 3 փետրվարի – Sputnik. «Սպուտնիկ V» պատվաստանյութ ձեռք բերելու ուղղությամբ բանակցություններ են ընթանում Ռուսաստանի Դաշնության համապատասխան կառույցների հետ։ Տեղեկությունը Sputnik Արմենիային հայտնեցին ՀՀ առողջապահության նախարարությունից՝ պատասխանելով մեր գրավոր հարցմանը։
Փետրվարի 1-ին Ռուսական ուղղակի ներդրումների հիմնադրամը հայտնել էր, որ Հայաստանի Հանրապետության առողջապահության նախարարությունը հավանություն է տվել COVID-19-ի դեմ ռուսաստանյան «Սպուտնիկ V» պատվաստանյութի օգտագործումը։ Հայաստանի Հանրապետության առողջապահության նախարարությունը հավանություն է տվել COVID-19-ի դեմ ռուսաստանյան «Սպուտնիկ V» պատվաստանյութի օգտագործումը։
««Սպուտնիկ V» պատվաստանյութի արժեքը, դեղաչափերի քանակներն ու գնման ժամկետները դեռ բանակցային փուլում են», - նշված է ՀՀ առողջապահության նախարարության պատասխանում։
Գերատեսչությունից նաև հայտնում են, որ 2020 թվականի սեպտեմբերին ՀՀ առողջապահության նախարարությունը պայմանագիր է կնքել «COVAX FACILITI» նախաձեռնության հետ։ Այս ընթացքում նախաձեռնությունը Հայաստանի Հանրապետությանն առաջարկել է Covid 19-ի դեմ պատվաստանյութեր։ «COVAX FACILITI» նախաձեռնության շրջանակում վերջին առաջարկը եղել է «AstraZeneka» ընկերության պատվաստանյութը` նախատեսված բնակչության 3 տոկոսի համար, որը չի մերժվել «Իմունականխարգելման հարցերով հանրապետական խորհրդատվական փորձագիտական հանձնաժողովի կողմից` հաշվի առնելով հնարավորինս վաղ ժամկետներում հասանելիությունը` (2021 թվականի մարտ) և արժեքի մատչելիությունը (1 դեղաչափն արժե 4 ԱՄՆ դոլար)։
Հայաստանը այլ պատվաստանյութեր ձեռք բերելու ուղղությամբ բանակցությունները շարունակում է ինչպես պատվաստանյութ արտադրող այլ կազմակերպությունների, այնպես էլ միջազգային գործընկերների հետ։
Հիշեցնենք` հունվարի 20-ին ՀՀ առողջապահության նախարարությունը հայտնել էր, որ կայացել է Իմունականխարգելման հարցերով հանրապետական խորհրդատվական փորձագիտական հանձնաժողովի» հերթական նիստը, որի ընթացքում քննարկվել են կորոնավիրուսային հիվանդության (COVID-19) դեմ պատվաստումների ռիսկի խմբերի առաջնահերթությունները և «COVAX FACILTY» նախաձեռնության երկրորդ պատուհանի ընթացքում COVID-19-ի դեմ պատվաստանյութեր ձեռք բերելու հնարավորություններն ու առաջարկները: Ամփոփելով հանձնաժողովի անդամների և նիստին հրավիրված փորձագետների կարծիքները` հանձնաժողովն առաջարկել է COVID-19-ի դեմ պատվաստումներն իրականացնել փուլային տարբերակով։
1-ին փուլում կպատվաստվեն տարեցների խնամքի կենտրոնների բնակիչները և աշխատակիցները, բուժաշխատողները, սոցիալական խնամքի կենտրոնների աշխատակիցները, 65 տարեկան և բարձր տարիքի անձինք, 16-ից 64 տարեկան խրոնիկ հիվանդները: Համաճարակային իրավիճակից և պատվաստանյութի առկայությունից ելնելով՝ հաջորդ փուլում կպատվաստվեն դասախոսները, ուսուցիչները, արտակարգ իրավիճակների նախարարության աշխատակիցները, զինծառայողները, արդարադատո
ւթյան ոլորտի աշխատակիցները, հանրային տրանսպորտի աշխատակիցները, պետական ծառայողները: