Նորիլսկում հանգստյան տնակները ձնահոսքի տակ են մնացել․ տեսանյութ

00:22, 9 հունվարի 2021

Կրասնոյարսկի երկրամասում գտնվող լեռնադահուկային համալիրի տնակներից հինգը, որոնցում ամենայն հավանականությամբ մարդիկ են եղել, մնացել են ձնահոսքի տակ։

Կրասնոյարսկի մարզի ԱԻՆ-ի գլխավոր վարչությունը հայտնում է, որ այս պահին պարզում են՝ քանի մարդ է եղել Նորիլսկի հանգստյան տնակներում։

Դեպքի վայր են մեկնել Սիբիրի տարածաշրջանային որոնողական-փրկարարական ջոկատի 50 աշխատակից ու երեք միավոր տեխնիկա։

Համացանցում արդեն լուսանկարներ ու տեսագրություններ են հայտնվել դեպքի վայրից։