Խորվաթիայում երեկ տեղի ունեցած ուժեղ երկրաշարժի զոհերի թիվը, վերջին տվյալներով, 7 է։ Նրանց մեծ մասը մահացել է Գլինա քաղաքի մերձակայքում, որտեղ ավերվել է շենքերի շուրջ 90 տոկոսը:
Բացի զոհերից կան անհետ կորածներ, տասնյակ մարդիկ հոսպիտալացվել են։
Երկրաշարժի էպիկենտրոնը գտնվել է երկրի մայրաքաղաք Զագրեբից 46 կմ հարավ-արևելք: Ցնցումների ուժգնությունը 6,3 բալ է կազմել: Երկրաշարժը զգացել են բոլոր հարևան երկրներում:
ՀՀ ԱԻՆ Սեյսմիկ պաշտպանության տարածքային ծառայության սեյսմոլոգիական ցանցը ևս տեղական ժամանակով ժամը 15:19-ին (Գրինվիչի ժամանակով՝ ժամը 11:19-ին) գրանցել է հյուսիսային լայնության 45.41⁰ և արևելյան երկայնության 16.30⁰ աշխարհագրական կոորդինատներով՝ Խորվաթիա Պետրինյա քաղաքից 3 կմ հարավ-արևելք, օջախի 10 կմ խորությամբ, 6.4 մագնիտուդով երկրաշարժ: