ԵՐԵՎԱՆ, 25 դեկտեմբերի – Sputnik. Հումանիտար ականազերծման կենտրոնի ռուս զինծառայողները խաղաղապահի դաս են անցկացրել Ստեփանակերտի հանրակրթական դպրոցի աշակերտների համար, տեղեկացնում է Ռուսաստանի պաշտպանության նախարարությունը։
Նրանք պատմել են ռուս խաղաղապահ ուժերի ստորաբաժանումների խաղաղապահ գործունեության յուրահատկությունների մասին։
«Ռուս խաղաղապահներն աշակերտների հետ դաս են անցկացրել պայթունավտանգ իր գտնելու դեպքում անվտանգության կանոնները պահպանելու պահանջների մասին։ Դպրոցականներին ներկայացրել են պայթուցիկ իրերի դասակարգումն ու այն գործողությունները, որը պետք է անել պայթունավտանգ իր հայտնաբերելիս։ Մասնագետները ցուցադրել են նաև առաջին բուժօգնություն տրամադրելու կանոնները», - նշված է հաղորդագրության մեջ։
Ընդհանուր առմամբ դասերին մասնակցել են միջին ու ավագ դասարանների ավելի քան 80 աշակերտներ, ուսուցիչներ ու ծնողներ։
Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։
Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:
Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:
Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են