ԵՐԵՎԱՆ, 23 դեկտեմբերի – Sputnik. Կյանքի 73 տարում այսօր մահացել է «Արարատի» լեգենդար ֆուտբոլիստ Արկադի Անդրեասյանը։
Sputnik Արմենիայի տեղեկություններով` երեկ երեկոյան Անդրեասյանի ինքնազգացողությունը վատացել է, շտապօգնությունով նրան տեղափոխել են հիվանդանոց, որտեղ լեգենդար ֆուտբոլիստը մահացել է սրտի անբավարարությունից։
Լեգենդար խաղացողը «Արարատի» կազմում դարձել է ԽՍՀՄ չեմպիոն ու գավաթակիր, ԽՍՀՄ հավաքականի կազմում նվաճել է օլիմպիական խաղերի բրոնզե մեդալ։
Մարզչական կարիերայի ընթացքում էլ երկար տարիներ աշխատել է «Արարատում»։
Նշենք, որ հայտնի ֆուտբոլիստը նաև ակտիվ քաղաքացի էր։ Վերջերս նա միացել էր ՀՀ վարչապետ Նիկոլ Փաշինյանի հրաժարականը պահանջող մարզաշխարհի ներկայացուցիչներին։