ԵՐԵՎԱՆ, 18 դեկտեմբերի – Sputnik. ՀՀ վարչապետ Նիկոլ Փաշինյանը չի մասնակցի ԱՊՀ մասնակից պետությունների ղեկավարների խորհրդի հերթական նիստին: Տեղեկությունը Sputnik Արմենիային հայտնեց վարապետի մամուլի քարտուղար Մանե Գևորգյանը։
Նման որոշման պատճառը, նրա խոսքով, պայմանավորված է Փաշինյանի հոր մահվան հանգամանքով։
Հիշեցնենք` ԱՊՀ մասնակից պետությունների ղեկավարների հեռավար հանդիպումը նախանշված է այսօր` դեկտեմբերի 18-ին։ Նիստի օրակարգում կառույցի շրջանակում զարգացման հեռանկարների քաղաքական, առևտրատնտեսական, սոցիալական և մշակութային ոլորտների ընթացիկ իրավիճակի քննարկումն է։
Ինչպես հաղորդում է Կրեմլի մամուլի ծառայությունը` նիստը, որին կմասնակցի նաև Ռուսաստանի նախագահ Վլադիմիր Պուտինը, կանցկացվի տեսաժողովի ձևաչափով, մասնակիցները կորոնավիրուսի տարածման դեմ պայքարում գործակցելու հարցեր կքննարկեն, ինչպես նաև կարծիքներ կփոխանակեն տարածաշրջանային և միջազգային խնդիրների շուրջ:
Պուտինը խոսել է Ղարաբաղի կարգավիճակի մասին
Հիշեցնենք` ՀՀ վարչապետ Նիկոլ Փաշինյանի հայրը` Վովա Փաշինյանը, մահացել էր դեկտեմբերի 16-ին`80 տարեկան հասակում` ծանր հիվանդության հետևանքով։
Վովա Փաշինյանի հուղարկավորությունը կկայանա այսօր։