ԵՐԵՎԱՆ, 10 դեկտեմբերի – Sputnik. Ռուսաստանի պաշտպանության նախարարությունից տեղեկացնում են, որ այսօր Երևանից Ստեփանակերտ է վերադարձել 569 մարդ:
«Տեղափոխումն իրականացվել է Լաչինի միջանցքով ՝ ռուսական խաղաղապահ զորախմբի և ռազմական ոստիկանության պարեկների ուղեկցությամբ»,–նշված է հաղորդագրության մեջ։
Ռուս խաղաղապահները 24 դիտակետերում վերահսկում են հրադադարի ռեժիմի պահպանումը: Ռուսական խաղաղապահ զորախմբի զինծառայողներն ապահովում են արցախցիների անվտանգ վերադարձն իրենց մշտական բնակության վայրեր, նրանց ցուցաբերում են մարդասիրական օգնություն, վերականգնվում են քաղաքացիական ենթակառուցվածքի օբյեկտները:
Մինչ օրս Լեռնային Ղարաբաղ է վերադարձել ավելի քան 37 000 փախստական։