ԵՐԵՎԱՆ, 27 նոյեմբերի – Sputnik. Մահացել է Հակոբ Պարոնյանի անվան երաժշտական կոմեդիայի պետական թատրոնի դերասան, ՀՀ վաստակավոր արտիստ Զավեն Աբրահամյանը։ Տեղեկությունը հրապարակվել է թատրոնի Facebook-յան էջում։
«Մեր խորին ցավակցությունն ենք հայտնում դերասանի ընկերներին ու հարազատներին։ Մեր սիրելի դերասան, հանգչիր խաղաղությամբ»,–նշված է հաղորդագրության մեջ։
Զավեն Աբրահամյանը ծնվել է 1948թ. օգոստոսի 13-ին Երևանում: 1967թ. ընդունվել է Երևանի գեղարվեստաթատերական ինստիտուտի դերասանական բաժին: 1972թ. աշխատել է Երևանի Պատանի հանդիսատեսի պետական թատրոնում: Խաղացել է մի շարք հեռուստատեսային ներկայացումներում` «Սատանայի ջրաղացը», «Պաշտոնի բարձրացում», «Ինչպես է բեմադրվում ներկայացումը» և այլն:
«Պապ ջան, մեզ մենակ թողեցիր». մահացել է գեներալ-մայոր Աստվածատուր Պետրոսյանը
1994թ-ից աշխատում էր Երևանի Հ. Պարոնյանի անվան երաժշտական կոմեդիայի պետական թատրոնում։ Նկարահանվել է նաև հեռուստասերիալներում` «Այսպես էլ ապրում ենք», «Կյանքի գինը», «Լքյալները» և այլն: 2004թ. արժանացել է ՀԹԳՄ «Արտավազդ» մրցանակի, 2005թ. Հայաստանի վաստակավոր արտիստի կոչման, ապա ՀՀ մշակույթի նախարարության ոսկե մեդալի:
1476 նոր դեպք, 22 մահ` մեկ օրում. կորոնավիրուսային հիվանդության ընթացքը Հայաստանում