ԵՐԵՎԱՆ, 25 նոյեմբերի – Sputnik. Մահացել է 1986 թվականի ֆուտբոլի աշխարհի չեմպիոն արգենտինացի Դիեգո Մարադոնան: Տեղեկությունը հայտնում է ՌԻԱ Նովոստին` հղում անելով արգենտինական TN հեռուստաալիքին:
Նա 60 տարեկան էր։
Մարադոնան բուժզննում անցնելու համար հիվանդանոց է տեղափոխվել հոկտեմբերի 30-ին, սակայն ավելի ուշ հայտարարվել էր, որ նա ուղեղի վիրահատություն է տարել: Մարադոնան դուրս էր գրվել նոյեմբերի 12-ին։
Արգենտինական ԶԼՄ–ները հայտնում են, որ Մարադոնայի մահվան պատճառը, ըստ նախնական տվյալների, սրտի կանգն է եղել։