ԵՐԵՎԱՆ, 20 նոյեմբերի – Sputnik. ԱԺ «Լուսավոր Հայաստան» կուսակցության ղեկավար Էդմոն Մարուքյանը վերջին օրերին հանդիպումներ է ունեցել Հայաստանում ԵԱՀԿ Մինսկի խմբի համանախագահ երկրներ Ռուսաստանի Դաշնության, Միացյալ Նահանգների և Ֆրանսիայի արտակարգ և լիազոր դեսպանների հետ:
Մարուքյանը Facebook-ի իր էջում գրառում է կատարել` հայտնելով, որ բոլորի հետ քննարկման առարկան եղել է նոյեմբերի 9-ին ստորագրված հայտարարության և դրանից հետո Հայաստանում և Արցախում տեղի ունեցող գործընթացները:
«Բացի արտաքին քաղաքական անելիքները, այս օրերին նաև քննարկումների մեջ ենք ներքաղաքական ստեղծված ճգնաժամից դուրս գալու ելքերի փնտրտուքներով»,–նշված է Մարուքյանի գրառման մեջ։
Նա հայտնել է` բազմաթիվ հանդիպումներ է ունեցել քաղաքական տարբեր ուժերի, Հայաստանի, Արցախի և սփյուռքի մտավորականության, մեդիա սեկտորի, հասարակական սեկտորի, ակադեմիական և բիզնես շրջանակների հարգարժան ներկայացուցիչների հետ:
Արման Թաթոյանն ԱՄՆ դեսպանին է ներկայացրել Ադրբեջանի վայրագությունները