ԵՐԵՎԱՆ, 16 նոյեմբերի –Sputnik. ԱԺ «Իմ քայլը» խմբակցության պատգամավոր Թագուհի Թովմասյանը ևս որոշում է կայացրել հեռանալ խմբակցությունից: Նա այդ մասին գրառում է արել Facebook-ում:
«Առավոտյան կներկայացնեմ ԱԺ «Իմ քայլը» խմբակցությունից դուրս գալու դիմում։ Մեր քաղաքական թիմը սխալը սխալի հետևից է անում։ Փոխանակ մեր սխալները գիտակցենք և շտկենք, իրավիճակը մեղմենք երկխոսությունով, փորձենք այդպես կայունացնել լարվածությունը մեր երկրում, հակառակը՝ պետության հիմքերը խարխլող քայլեր ենք անում»,- գրել է նա:
Մնացածի մասին Թագուհի Թովմասյանը խոստանում է խոսել ԱԺ ամբիոնից։
Նշենք, որ երեքշաբթի օրը՝ նոյեմբերի 18-ին մեկնարկում է խորհրդարանական հերթական նիստերի քառօրյան:
Ի դեպ, մանդատից հրաժարվելու որոշման մասին քիչ առաջ Facebook-ում հայտնել էր նաև «Իմ քայլի» պատգամավոր Գայանե Աբրահամյանը:
Աճել են կեղծ օգտատերերն և ներքին թշնամանք հրահրող գրառումները. ՄԻՊ-ը դիտարկել է սոցկայքերը
Գրեթե միաժամանակ կուսակցությունից ու աշխատանքից հեռանաու որոշման մասին էր հայտնել նաև ՀՀ փոխվարչապետ Տիգրան Ավինյանի գրասենյակի ղեկավար Վարագ Սիսեռյանը:
Հրաժարականների այս հայտարարությունները հաջորդեցին ՀՀ վարչապետ Նիկոլ Փաշինյանի՝ Facebook-ում կատարած այն գրառմանը, թե ինքը Երևանում սպասում է արցախյան առաջնագծի զինվորներին, որը ՀՀ ՄԻՊ Արման Թաթոյանը որակել էր որպես քաղաքացիական բախումների կոչ: