ԵՐԵՎԱՆ, 13 նոյեմբերի - Sputnik. Պետական եկամուտների կոմիտեի նախագահի տեղակալ Միքայել Փաշայանը հրաժարականի դիմում է ներկայացրել։ Տեղեկությունը Facebook-ի իր էջում հայտնել է ՊԵԿ մամուլի խոսնակ Լուսինե Մկրտչյանը։
Նրա խոսքով՝ հրաժարականի պատճառն առողջական խնդիրներն են։
«ՊԵԿ նախագահի տեղակալ Միքայել Փաշայանը հրաժարականի դիմում է ներկայացրել առողջական խնդիրների պատճառով՝ անհետաձգելի բժշկական օգնությունն արտերկրում շարունակելու նպատակով»,- գրել է խոսնակը։
Նա առողջություն է մաղթել Փաշայանին և հորդորել որևէ կերպ չշահարկել ՊԵԿ նախագահի տեղակալի հրաժարականի դիմումը։