ԵՐԵՎԱՆ, 10 նոյեմբերի – Sputnik. ԱՄՆ–ն ցանկանում է ԼՂ համաձայնագրի մասին ավելի շատ մանրամասներ իմանալ։ Այս մասին ՌԻԱ Նովոստիին ասել են ԱՄՆ պետդեպարտամենտից։
«Մենք ի գիտություն ենք ընդունել Ռուսաստանի միջնորդությամբ ձեռք բերված ռազմական գործողությունների դադարեցման մասին համաձայնագիրը: Մենք կցանկանայինք ավելի շատ մանրամասներ և ծրագրեր իմանալ այս համաձայնագրի իրականացման հետ կապված», - ասել է Պետդեպարտամենտի ներկայացուցիչը ՝ մեկնաբանելով համաձայնագիրը։
Նա նաև ռուսական գործակալությանն ասել է, որ ԱՄՆ-ն ի սկզբանե դատապարտել է շփման գծի երկայնքով բռնության աճը և մարդկային կորուստները:
«Մենք ուրախ կլինենք տեսնել բռնության ավարտը, բայց դեռևս չենք կարող մեկնաբանել հրադադարի կամ դրա հետագա քայլերի կոնկրետ մանրամասները: Մենք պետք է հարցնենք հակամարտող կողմերին` ինչպես են նրանք ընկալում նոր համաձայնագիրը», - ավելացրել է Պետդեպարտամենտի ներկայացուցիչը։
Զինաթափեք Ադրբեջանին․ Թանկյանը ԱՄՆ իշխանություններին կոչ է անում պատժել Թուրքիային
Նոյեմբերի 10-ի կեսգիշերին ՀՀ վարչապետ Նիկոլ Փաշինյանը, ՌԴ նախագահ Վլադիմիր Պուտինը ու Ադրբեջանի նախագահ Իլհամ Ալիևը ստորագրել են հայտարարություն, որի համաձայն, ռազմական գործողությունները Ղարաբաղյան հակամարտության գոտում դադարեցվում են, Ադրբեջանին հանձնվում են յոթ շրջաններ (5+2) և Շուշի քաղաքը, Արցախի մնացած հատվածում ու շփման գծում տեղակայվում են ռուս խաղաղապահներ։