Արցախի Հաթերք գյուղի քսանհինգ բնակիչներ, որոնցից 21-ը` երեխաներ, մկրտվեցին Սևանի Սուրբ Հրեշտակապետաց եկեղեցում։ Նրանքս Հայաստան են եկել սեպտեմբերի վերջին, երբ Ադրբեջանը սանձազերծեց ռազմական ագրեսիան Արցախի հանդեպ։
Արարողությունը իրականացրեց Տեր Ստեփանոս Իգնաթևոսյանը։ Հոգևորականն արցախցիների համար բացառություն արեց և խմբային ծես իրականացրեց։ Երեխաների կողքին սուրբ մյուռոնով օծվեց նաև 83-ամյա Ժասմին Գրիգորյանը։ Մկրտվողներից ամենակրտսերը 7-ամսական մի աղջնակ էր`Նելլին։
Sputnik Արմենիայի թղթակցի հետ զրույցում 83-ամյա կինը պատմեց, որ նա դեռ առաջին Արցախյան պատերազմից էր ցանկանում մկրտվել, բայց տարբեր հանգամանքներից ելնելով չի հաջողվել։
«Մեր ընտանիքում այսօր հինգ հոգի մկրտվել է` ես, թոռնուհիս և նրա երեք դուստրերը։ Հուսամ` Աստված կպահի մեզ բոլորիս ու ամենակարևորը մեր տղամարդկանց, որոնք հիմա հայրենիք են պաշտպանում», – նշեց տատիկը։
Բոլոր մկրտված արցախցիների կնքահայրը ռուսաստանաբնակ գործարար Արթուր Սուքիասյանն է։ Հենց նա է իր Սևանի հյուրանոցում հյուրընկալել արցախցիներին։ Դեպի Սևանավանք էքսկուրսիայի ժամանակ է։ երեխաները նրան հայտնել են մկրտվելու ցանկության մասին, և Ստեփանյանը խոստացել է կազմակերպել սուրբ մկրտությունն ու ծախսերն էլ հոգալ։