ԵՐԵՎԱն, 8 նոյեմբերի – Sputnik. Ավստրիայի արտգործնախարար Ալեքսանդր Շալենբերգը գերմանական Die Welt պարբերականին տված հարցազրույցում հայտարարել է, որ Թուրքիան մոտակա 30 տարում Եվրամիության անդամ չի դառնա։
Ավստրիան բազմիցս հայտարարել էր, որ Թուրքիայի հետ արդեն իսկ սառեցված բանակցությունները պետք է պաշտոնապես դադարեցվեն, նշել է նա։
Նախարարն ուշադրություն է հրավիրել Թուրքիայի մասին Եվրամիության վերջին հաշվետվությանը, որում նշվում է, որ ըստ Կոպենհագենյան չափանիշների (որոնք գնահատում են ԵՄ անդամ դառնալու պատրաստությունը)` Թուրքիան լուրջ հետընթաց է գրանցել։
Թուրքիան ԵՄ—ում ներառելու փոխարեն Եվրամիությունը պետք է սահմանափակվի համագործակցության մասին սովորական համաձայնագրով, որը երկու կողմերին էլ ձեռնտու կլինի, գտնում է Ավստրիայի ԱԳՆ ղեկավարը։
«Կիսում եմ ձեր վիշտը». Փաշինյանն անդրադարձել է Ավստրիայում տեղի ունեցած ահաբեկչությանը
Խոսելով Միջերկրական ծովի արևելյան մասում Հունաստանի և Կիպրոսի դեմ Թուրքիայի ագրեսիվ գործողությունների մասին, Շալենբերգն ընդգծել է, որ վիճելի հարցերը պետք է լուծվեն Հաագայի միջազգային դատարանում, այլ ոչ թե ռազմական ճանապարհով: Պետք է փորձել խնդիրները լուծել բանակցությունների միջոցով, սակայն չպետք է թույլ տալ, որ Էրդողանի թակարդները խաբեն մեզ,-ընդգծել է նա:
Հիշեցնենք, որ Թուրքիայի եվրաինտեգրման բանակցությունները սկսվել են դեռ 90-ականներիի սկզբին, բայց 2010-ականների սկզբին գործնականում դադարեցվել են։
Եվրամիությունում քննարկվել է ԼՂ-ում կրակի դադարեցմանն աջակցելու հնարավորությունը