Իրավիճակը Շուշիի մոտ դեռ բարդ է, բայց հայկական կողմը սկսել է ակտիվորեն զրահատեխնիկա կիրառել, նշվում է Anna News-ի՝ առաջնագծի մասին նոյեմբերի 6-ին պատրաստված ռեպորտաժի մեջ։
«Մենք պետք է պաշտպանենք մեր հողը մինչև վերջ, դա մեր առաքելությունն է... Տրամադրություններս գերազանց է, մարտական։ Փառք Աստծո, տղաներն իսկական արծիվներ են»,-ասում է Շուշին պաշտպանող զինծառայողներից մեկը։
Տեսանյութում երևում են Արցախի Պաշտպանության բանակի տանկերն ու հետևակի մարտական մեքենաները, որոնք ընդգրկված են հակառակորդին ոչնչացնելու գործողություններում։
«Շուշիի մոտ ծանր մարտեր են ընթանում, իրավիճակը բարդ է։ Բայց մի հանգամանք կա, որը հնարավոր չէ չնկատել. վերջապես պաշտպանության բանակը մարտի մեջ է մտցրել զրահատեխնիկա, իսկ դա նշանակում է, որ երկինքը հուսալիորեն փակված է։ Դեռ մեկ շաբաթ առաջ դա նույնիսկ պատկերացնելը դժվար էր։ Այս ամբողջ տեխնիկան օդից կես ժամում կայրեին»,-նշվում է տեսանյութի նկարագրության մեջ։
Ռազմական թղթակից Ալեքսանդր Խարչենկոյի կարծիքով՝ Ադրբեջանի տեխնիկական գերազանցությունն աստիճանաբար վերանում է։
Զինծառայողները շեշտում են, որ Շուշին մարտավարական կենտրոն է, ու շատ կարևոր է բերդաքաղաքի պաշտպանությունը։
Հիշեցնեք, որ սեպտեմբերի 27-ից ի վեր ադրբեջանական զինուժը պարբերաբար հրթիռակոծում է Շուշին։ Հոկտեմբերի 8-ին 2 անգամ հրթիռակոծվեց նույնիսկ Շուշիի Ղազանչեցոց եկեղեցին։
Հավելենք, որ ըստ վերջին տվյալների՝ Ադրբեջանի զինված ուժերը զրկվել է 262 ԱԹՍ-ից, 16 ուղղաթիռից, 25 ինքնաթիռից, 749 զրահատեխնիկայից, 6 ՏՕՍ-ից, 7510 կենդանի ուժից։
Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։
Արցախի նկատմամբ կիրառված ֆոսֆորը դիմավորեք Ադրբեջանում, Իրանում ու Թուրքիայում