ԵՐԵՎԱՆ, 6 նոյեմբերի – Sputnik. Նոյեմբերի 6-ին և 7-ին Հայաստանի շրջանների զգալի մասում անձրև կտեղա գիշերային ժամերին։ Տեղեկությունը հայտնում է ՀՀ արտակարգ իրավիճակների նախարարությունը։
«Նոյեմբերի 7-ի ցերեկն առանձին շրջաններում ժամանակ առ ժամանակ սպասվում է անձրև և մառախուղ։ Նոյեմբերի 8-10-ը տեղումները կդադարեն»,- նշված է հաղորդագրության մեջ:
Ըստ օդերևութաբանների՝ օդի ջերմաստիճանը ցերեկն աստիճանանաբար կնվազի 4-5, նոյեմբերի 8-9-ի գիշերը՝ 6-8 աստիճանով։
Երևանում ժամանակ առ ժամանակ անձրև կգա նոյեմբերի 6-ի և 7-ի գիշերը։ Այսօր մայրաքաղաքում ցերեկային ժամերին օդի ջերմաստիճանը կտատանվի +13-ից +15-ի սահմանում, գիշերը կնվազի մինչև +7-ից +9։