ԵՐԵՎԱՆ, 5 նոյեմբերի — Sputnik. Փաշինյան– Ալիև հանդիպում այս պահին նախատեսված չէ։ Այսօր ԱԺ–ում լրագրողների հետ ճեպազրույցում այս մասին ասաց ՀՀ ԱԳ նախարար Զոհրաբ Մնացականյանը։
«Երբ որ կնախատեսվի, բնականաբար, կհայտարարվի»,– ասաց նախարարը։
Երկու երկրների ԱԳ նախարարների ու ԵԱՀԿ ՄԽ համանախագահների հետ հանդիպումներն ու աշխատանքներն իրականացվում են ըստ անհրաժեշտության։
Մնացականյանը նշեց, որ ԵԱՀԿ համանախագահ երկրներն ակտիվորեն ներգրավված են Ղարաբաղյան հակամարտության լուծման ու հրադադարի հաստատման աշխատանքներում։
Նախարարը նաև հույս հայտնեց, որ ԱՄՆ–ում անցկացվող նախագահական ընտրություններից հետո էլ ԱՄՆ–ն Արցախի հարցում կշարունակի աշխատել նույն ինտենսիվությամբ։
Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Նոյեմբերի 4-ի ժամը 13։30-ի դրությամբ` հակառակորդի կրակոցների հետևանքով հայկական կողմից զոհվել են 1177 զինծառայողներ։ Քաղաքացիական անձանց շրջանում կա 50 զոհ ու 148 վիրավոր։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 7155 զոհ ունի և բազմաթիվ վիրավորներ։
Ըստ վերջին տվյալների՝ Ադրբեջանի զինված ուժերը կորցրել են 252 անօդաչու սարք, 16 ուղղաթիռ, 25 ինքնաթիռ, 697 զրահատեխնիկա, 6 ՏՈՍ համակարգ։
Ձախողված բլիցկրիգը, կամ Բաքվի ծրագրով վարձկանների մասին աշխարհը չպիտի իմանար
Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։
Արցախի նկատմամբ կիրառված ֆոսֆորը դիմավորեք Ադրբեջանում, Իրանում ու Թուրքիայում